蘿白魚鬆 + 蒜泥白肉(美味版)

蘿白魚鬆係我睇阿蘇教架. 真係好味到不得了呀... 大家一定要試下整. 雖然時間係整得耐一d. 不過真係值得... 好味. 好味. 好好味
Receipe 蘿白魚鬆:
材料:
1. 蘿白一條 (切幼條備用) ; 2. 鯪魚肉(我買現成的, 因為我懶)
做法:
1. 先用醃料醃好魚肉 ( 胡椒粉, 糖, 生抽 , 麻油, 生粉, ) 之後再加上蔥粒
2. 將用油爆香蘿白條;
3. 再加水去煮, 係每次少少, 少少咁. 每次見水收曬後就先再加水;
4. 約煮30-40分鐘, 會見蘿白條轉色; 加鹽
5. 上碟備用
6. 先用油煮香魚肉及切成條狀
7. 將蘿白條及魚肉回鑊, 加上蠔油兜均, 完成
==============
蒜泥白肉(美味版)** 我只係加左青瓜咋.. 特別美味; 雪過夜食仲正 (記得加保鮮紙呀!)

§ 木糠布甸 §

老公食左一啖之後同我講... "好有驚喜". 我自己都覺得好好味呀.
下次一定要再整. ..
唔知澳門既又係咩味既呢.. ?
Receipes: (呢個食譜我整左一個7" & 一個4"既mousse ring , 大家可以隨你地整既數量去減一減過份量)
材料:
1. 瑪莉餅 200g (51餅)
2. 甜忌廉 500ml
3. 可可粉 2湯匙
4. 雲呢拿油 1湯匙
5. 煉奶 100g
做法:
1. 先用攪拌機將瑪莉餅攪碎; 將其中100克跟可可粉拌勻，另一半備用﹔
2. 將忌廉打勻至軟，再拌入煉奶、雲呢拿油，拌勻後放入唧袋中 。
3. 將瑪莉餅碎先鋪在餅模的底層，然後唧上忌廉，再鋪上一層混合了可可粉的餅碎，再唧忌廉，梅花間竹的方法填滿餅模，然後放進雪櫃，待冷凍即成。
＊一定要夠凍先好食架. 入口即溶既感覺.. 真係令人回味!
* 細個 3.5"份量:
1. 瑪莉餅 - 隨意 (約大半條瑪莉餅) 2. 甜忌廉 100ml 3. 可可粉 - 隨意 4. 雲呢拿油- 隨意 5. 煉奶 15-20g *似乎你地食得甜唔甜

紅咖哩雞 + 糖醋排骨 + 獅子球

紅咖哩雞 + 糖醋排骨 + 獅子球 ^ 呵! 真係唸起都好想再食 (老公說的)
食譜: [ 紅咖哩雞 ]
材料: 1. 雞全翼(切件) 或 雞中翼都可以; 2. 李錦記紅咖哩醬; 3. 細椰槳x 1罐;
配菜 = 1. 薯仔、青椒、紅椒、黃椒 (個人喜歡)、洋蔥、香草
做法:
1. 先醃好雞翼
2. 煲滾水加入薯仔煮至有少許"林"
3. 先爆香配料中的青、紅及黃椒&洋蔥; 備用
4. 爆香雞翼放下咖哩醬及椰槳
5. 加水(約浸一半雞翼) *自己均量一下
6. 以中火煮至滾起再加入薯仔及所有配料&香草
7. 見收水後加上鹽, 試味. 完成
＊＊＊＊＊＊＊＊＊＊＊＊＊＊＊＊＊＊
Receipes: 獅子球
材料: 1. 津白菜 2. 碎豬肉 3. 疆片 4. 凍糖
做法:
1. 先用醃料醃好豬用
2. 津白洗淨及切去尾部
3. 津白用滾水先灼熟
4. 將醃好的豬用做成一個圓球, 再將它放入鑊中煎至金黃色, 盛起備用
4. 放入疆片, 生抽, 老抽, 凍糖及津白菜在鑊中, 爆香
5. 再放入豬用及蔥段熟至熟
6. 再夜魚露, 麻油及下已開生既粉獻, 即成
＊＊＊＊＊＊＊＊＊＊＊＊＊＊＊＊＊＊
Receipes: 糖醋排骨
材料: 一字排
調味料:
酒 x 2tsp
烏醋 x 3湯匙
生抽 及 老抽各2湯匙
黃糖粉 5湯匙
適量的水
做法:
1. 先將排骨爆香, 快手已可以
2. 下調味料, 轉中小火炆至收水
3. 見有收水情況出現可以試味了, 隨你口味加減醋及糖既份量
4. 好快就完成架啦

南乳焗雞翼 & 大頭芽肉鬆 & 甜酸桂花 & 口感鯪魚球

呢排工作太忙啦. 真係無咩時間煮下飯. .. 所以只能同大家分享呢
幾味啦. ! 請大家不要介意呀 !!!!!
食譜: 南乳焗雞翼
材料: 1. 雞翼 2. 南乳
做法 :
1. 先煲起熱水, 加入少許鹽同酒將雞翼烚至轉色
2. 用水凍水沖一下雞翼, 加入糖, 鹽, 酒, 麻油同埋一磚南乳醃過夜
3. 焗爐以200-250度焗雞翼至熟
4. 完成前用蜜糖掃上雞翼上, 略再焗1-2分鐘. 完成
※※※※※※※※※※※※※※※※※※※※※※※※※※※※※
食譜: 大豆芽炒肉鬆 (心機?. 無耐性就唔好唸啦)
材料: 1. 大豆芽 (我用左$3) 2. 肉鬆 ($6)
做法:
1. 要好用心咁將大豆芽切到好醉
2. 肉鬆要醃好
3. 先炒大豆芽至收水, 加入少許鹽及糖去炒佢; 上碟備用
4. 炒熟肉鬆再放入大豆芽炒勻. 完成
※※※※※※※※※※※※※※※※※※※※※※※※※※※※※
食譜: 口感鯪魚球 (係我自創架. 真係very good)
材料:1. 鯪魚肉 2. 荼譜(切細粒) 3. 紅椒少許 4. 蔥粒 5. 紅蘿白粒少許
做法:
1. 先用酒, 麻油, 糖, 生粉, 生抽及胡椒粉醃好鯪魚肉
2. 再放下其他材料, 一定要切曬細粒粒
3. 用順時針方向攪它至起膠, 醃它30分鐘
4. 用少許水拍在2手中, 將魚肉弄成球狀
5. 塗上生粉 , 下鑊煎香, 即成
※※※※※※※※※※※※※※※※※※※※※※※※※※※※※
食譜: 甜酸桂花
材料: 桂花魚一條
做法.
1. 先用鹽及胡椒粉醃下桂花魚
2. 塗上生粉在魚上, 放下鑊熟至金黃色; 上碟備用
3. 以蕃茄, 紅椒, 青椒, 黃椒等爆香; 再加上茄汁, 水(少許) 及白醋 & 糖, 你地要自己試味啦!
4. 放下桂花煮至收水, 完成