← 我已搬家 →

多謝大家一路都有留意我呢個Blog, 我已經搬左家啦. 請大家到我既新Blog 多多支持, 多多回應!
http://hk.myblog.yahoo.com/plisu-x

Especial For Me

老公話 : 話明秘制, 點可以比你愉師呢~!!!
不過. 老公整既呢個糖水真係好"正"，　有薑味又唔會太甜，真係O岩O岩好架。

※ To My Honery.. New York Cheese Cake ※

竟然.. 竟然自黑森林之後. 老公會再有re-order ar. 努力原來真係無白費架>>...

● 焗豬扒飯 ●

好香. 好美味既焗豬扒飯呀
Recipe:
材料:
梅林豬扒
青瓜
菠蘿 *1/2tin
茄膏 *少陶J*1隻
做法:1.先用醃料加蒜頭粒醃好豬扒
2.飯煮好備用;
3.先煎香豬扒, 加上茄膏、菠蘿汁及少許水將豬扒煮至熟;
4.加上少許茄汁及糖, 試味;
5.味道可以就再加上菠蘿片及青瓜; 備用;
**預熱焗爐**
6.將飯放上焗盤上, 再將豬扒及汁醬放上面; 再放下芝士碎及將蛋打勻淋上芝士面:
7.以250度焗約10分鐘, 見金黃色就可以完成。

。Happy BirtHDay 。

?? & 嬸嬸生日快樂呀. !!!
祝??身體健康!福如東海! 壽比南山!
o。。。。 佢又係黑森林呀. 因為大人細路都0岩食架!
今次我加左脆脆底呀. 唔知好唔好味呢?

◎ FRIEND ... Angel Happy Birthday!! ◎

我老友生日喎. 點好呢.! 佢咩蛋糕都唔係好嗜! 唸到啦. 人少少攪攪新意思。
呢個叫木糠蛋糕啦. 真係蛋糕架. 因為我老友唔係太食Cream , 我唯有將個木糠
中間加了清蛋糕. 哈. 都幾好味喎... !!無錯既一試 !
Anway [ Angel Happy Birthday ! ]

。菜圃肉碎煎蛋 。

Recipe:
材料:
肉碎 ; 菜圃; 蛋
做法:
1. 先將肉碎醃好後炒熟;
2. 菜圃切粒後炒香;
3. 將以上炒好既材料加入蛋中;
4. 煎香, 完成。
* 呢個係一個又簡單, 又好味既小菜呀. ..

§ 煎讓孖寶&草茹西蘭花 §

Handmade at 21, Nov 06
今晚好好?呀, 煎讓孖寶&草茹西蘭花 !! 嘩! 有無流口水既感覺呢!!! 呢個唔止係今晚既晚餐, 仲係我同sandy 明天既lunch ar。 "Sandy 食得多街既飯都唔係好架"
食譜 - 煎讓孖寶
材料:
1. 鯪魚肉 x $10 (先用醃料醃好)
2. 大青椒 x 2個 (洗淨切件備用)
3. 豆腐泡 x $2 (切開一半備用)
做法:
1. 先將鯪魚肉釀在已洗好既材料內;
2. 用慢火煎至熟, 盛起備用;
3. 用蒜泥豆球醬加水放在鑊中略煮;
4. 先試味, 最後將煎讓孖寶放下略炒, 埋茨;完成。

◎紅桃伊麵◎

Handmade at 20th Nove, 2006
呢個"E" 麵好好味呀. 係度要多謝"劉太"因為係佢教我架．
我呢次整要做成功啦．[在失敗中的成功]
唸返第一次整．煮到個"E"麵林曬呀．太失敗啦; 不過大家都知我唔會放棄架啦. 終於尋晚再接再勵呀. 成功啦. 無淨呀. 哈哈 ◎_◎
食譜:
材料:
1. "E"麵 x 2個(大) *先用滾水煮散個麵餅, 唔好太耐呀
2. 草茹 x 10粒 (先用滾水略煮)
3. 九菜 及 九王 (隨意*個人喜歡)
做法:
1. 先將E 麵煮熟, 見散即"不"起
2. 草茹完成就可以切片或粒
3. 九菜及九王洗淨切段, 備用;
4. 先炒草茹名九菜及九菜; 盛起備用;
5. 下油炒"E"麵, 初炒時加少許蠔油及水;
6. 放埋其他材料, 落蠔油, 老抽及糖，炒至完成；　
＊大家可以先試味後上碟架

◎蕃茄炒椰菜 & 梅菜蒸鯇魚◎

2味簡易小菜

§ New York Cheese Cake §

New York Cheese Cake 係各位心中都唔係易整得好味, 我未做前我都係咁唸. [ 死啦, 唔知會唔會好難食啦 ]; 點知大家一食.. 好味. 食又一件又一件。我都未相信真係咁好味呀. 尋日因為又有greathing 會有一個好鐘意食呢個Cake 既朋友出現, 於是又再整 " 好緊張... 點知個評語係 : [ 好好味呀.食咁多個最好味呢個呀. ] 其實我係想比大家知道我無用咩特別方便. 我想信係個食譜好work.所以想同大家分享下. 等大家都可以大到好味既 New York Cheese Cake。
食譜:
材料: 餅底
消化餅 (攪碎) x 100g
牛油 (熱溶) x 40g
砂糖 x 25g
材料: 餡料
1. Cream Cheese 忌廉芝士 x 250g
2. Egg x 3pcs
3. 砂糖 x 70g
4. 牛油溶液 x 80g
5. 檸檬青 x 半個 *約半tsp
6. 檸檬汁 x 1湯匙
材料: 餅面
1. 酸忌廉 x 100g
2. 砂糖 x 15g
3. 清水(開水) x 1湯匙
做法:
1. 以180度熱焗爐２．以180度熱焗爐
2. 在７吋的模上鋪上牛油紙，再掃上牛油在圈入；
3. Cream Cheese 在室溫下待軟;
＝　餅底做法 =
1. 先將消化餅攪碎；
2. 將牛油溶液與消化餅混合, 在餅模內壓平, 放入雪櫃冷藏;
3. 用電動打蛋機將芝左打軟, 加入砂糖打至幻滑;
4. 把80g 既牛油溶液與芝士混合, 攪拌均勻;
5. 加入檸檬青及檸檬汁拌勻;
6. 蛋要先打勻(想平時煮飯打蛋咁打勻已可以); 分多次將蛋汁加到芝士糊內, 每次打勻後才再下第二次蛋汁, 最後發打直至完仕混合;
7. 芝士糊倒進餅模內, 放入焗爐焗60分鐘
8. 將餅面材料完全混合, 倒在餅面上, 再焗4分鐘, 即可享用。

。 Kaman Happy Birthday 。

菠蘿肉片 & 薯仔炆雞

菠蘿肉片食譜:
材料: 菠蘿2片; 菠蘿汁; 梅林肉片; 西蘭花適量
做法:
1. 先將肉片醃好代用;
2. 略炒西蘭花, 備用;
3. 先爆香肉片. 加入菠蘿片加菠蘿汁, 炒至肉片熟;
4. 加入西蘭花及糖調味;
5. 埋茨, 完成
*****************************
薯仔炆雞食譜:
材料: 雞半隻, 薯仔一個; 洋蔥
做法:
1. 先雞醃好;
2. 薯仔烚好;
3. 先爆香洋蔥; 將雞爆香;
4. 加入薯仔、蠔油、生抽、糖及適量的水, 用蓋蓋好煮至熟;
5. 加入洋蔥略炒, 埋茨. 完成

。。 醜小鴨芝士蛋糕 。。

呢個芝士蛋糕我整左好多好多次先成功呀. 不過都唔係100分. 味道係ok 不個樣真係一隻醜小鴨
我會再努力架啦 。-。

◎ 辣椒小BeeBee ◎

呢個係我親有種既辣椒仔呀... 一個星期已經有咁高大啦... 好開心呀.
我唸佢好快有辣椒啦, 到時再post 出來比大家欣賞一下我既成功!!

§ 香草骨§

呢個香草骨係我自創架. 係唔係幾有idea 呢!!!! hehe! 食落仲好好味呀. 估唔到老公可以食得曬呀. 勁!! (又易整又好味. 快d 整啦.. gogogo)
食譜:
材料: 新鮮腩排
做法:
1. 用生抽, 老抽, 糖, 鹽, 麻油, 酒, 香草醃骨過夜
2. 以200度 預熱焗爐
3. 焗骨排至金黃色, 約20-30分鐘
4. 在途中返骨排時 加上少許檸檬汁. (好好味架)

※ 炒飯 & 蝦丸 ※

炒飯唔洗點教大家都應該識啦. ..
材料係用左 ?燒, 蛋同埋新鮮粟米粒.
蝦丸
呢個蝦丸我個心唔係就咁蒸佢架.. 唉... 個蝦餃皮衰左囉. 唯有就係咁蒸佢來食啦. 都幾好味呀
不過. 要熱食先得
食譜:
材料: 蝦 $10
做法:
1. 先將蝦去頭去殼去腸
2. 將蝦用刀剁爛, 做成蝦膠
3. 加入醃料, 生抽, 老抽, 麻油, 酒, 糖及少許鹽, 糊椒粉
4. 醃至少30分鐘
5. 隔水蒸15分鐘. 完成

學橋生日快樂

今日係我契仔 4歲既生日呀. 日子真係過得好快... 真係 睇住佢大呀. 想唔認老都唔得啦.! 係度祝佢生日快樂, 快高長大啦!
我為佢預備既又係黑森林啦. 點解又係佢:: 因為我個契仔話要食朱古力蛋糕呀. 所以... 明啦
佢食得好開心呀... 唔知係唔係真係咁好味呢!! 不過我唸小朋友係唔會講大話既 ... 哈哈 ^0^

※ 香炒黃金粒 ※

美味.. 真係美味...
食譜: 稍後post 出來. 請稍等....

※ 冰糖燉紅棗雪梨 ※

呢排天氣有d 乾燥呀. 緊係係時候要扮下好老婆啦. 整返盅燉品過佢先.
家用都比多少少啦. 哈哈! .. 老公連續飲左兩日應該滋潤好多啦...
食譜:
材料: 豐水梨(雪梨) *兩樣都可以, 紅棗 3粒切開一半, 冰糖
時間: 燉2個鐘就可以架啦

冬天最0岩口味既 [ 糯米飯 ] VS 美味涼拌青瓜

糯米飯係我同老公既至愛.. yumiyumi * 整呢個飯要既係心機同時間呀...

突然好想食青瓜呀.. 就唸起想整呢個涼拌青 , 又易整又好味呀. !
食譜:
材料: 青瓜2條
調味料:
白醋, 麻油, 白砂糖. 幼鹽及生蒜泥
* 份量要請大家慢慢試味啦. 因為每個人既口味都唔一樣呀

● 自製腐皮卷 ●

想搵d新野整下.. 睇睇下書見到人地整腐皮卷我又好想試下. 於是又一新嘗試... 一個字　"正" 呀. 真係幾好味.
食譜:
材料: 鯪魚肉, 攪碎豬肉, 蔥, 腐皮一片
做法:
1. 先分別將鯪魚肉及攪碎豬肉醃好, 備用
2. 醃至約1小時後將2種材料攪合; 加埋已切粒既蔥
3. 先將腐皮用少許水輕輕弄濕. 之後將材料包上卷起.
( 我將腐皮分開了4片. 但包了3條)

4. 將包好既腐皮卷隔熱水蒸15分鐘
5. 取出代涼(一定要它完全內外涼曬先好切件)
6. 內外完全涼曬後將它切件, 食前煎香.. *完成

拾下拾下

3個靚女 拾下拾下打邊爐. 真係不知打得幾開心!
2位靚女下次整咩食好呀. 不如/////... 海鮮呀. !!!!

高翔飯局. Happy Gathering

今晚好好?架! 有薑蔥蟹, 黃金蝦, 煎魚肉豆腐, 炒牛柳粒, 炒粟米粒 好多野食呀.
都係全靠我地四個小女人一齊齊合協力去做.. 個4個男人先有咁好既野食咋.
當然唔能夠少既係.. "黑森林" 作甜品啦!. @-@
* 薑蔥蟹原本係由師傅去整架. 唉. ! 不過. 師傅有人約左佢. 好重要架佢話唔應邀唔得. (咪就係周公囉) 所以今次炒出來差少少呀... 各位原諒下我啦.第一次炒. 師傅又唔係度睇住... 食得落都算好好lu.
* 黃金蝦. 4個完全未整過既女人係度再攪又攪. 終於完成.... 不過.今次係唔夠乾身啦... 下次..下次我相信2樣都一定會好好味既. 0^-^0

◎ 菠菜意粉 & 菠蘿雞翼 ◎

※ Hello Kitty 冰皮月餅 ※

睇黍大人細路都會鐘意啦.!

● 送禮自奉* 冰皮月餅 ●

好開心... 我開心.. 老公好開心. 家人好開心... 因為可以食到愛心冰皮月餅... 好野我只會留比我既家人同朋友架咋... 大家一定話我好偏心啦.. 無法啦. 我要保留我身邊所有好友及朋友既權利呀.
不過..... 你地都唔好咁失望.. 因為我收到幾位網友既request 都係想要個食譜.. 我當然唔會托手掙啦... 立即送上
食譜: 冰皮月餅
皮料:
澄麵 35g
粘米粉 35g
糯米粉 84g
開水 112g
沙糖 34g
椰漿 56g
鮮奶 112g
橄欖油 半湯匙
糕粉 適量(用來印餅) *是白鑊炒燸米粉而做成出來的
= 做法:
1. 開水加入沙糖混合, 用熱水座至兩者溶合一起, 代涼備用;
2. 澄麵, 粘米粉及糯米粉過篩2次;
3. 將椰槳加入粉中, 略為攪勻;
4. 加入鮮奶再加入橄欖油;
5. 加入糖水攪到滑身;
6. 用篩過濾2次粉糊, 隔走粉粒;
7. 以滾水隔水蒸它25分鐘;
8. 代涼放入雪櫃後取出粉糰; 以2張保鮮紙夾著粉糰搓薄, 中間放入餡料包好收口; (以尚糕粉作手粉使用將粉糰搓圈, 再放入模中推實做型, 大力拍出.
9. 完成.
餡料:
其實好隨大家喜歡.

※ 冰皮月餅 ※

經過上年既失敗．今年又再接再勵啦.!

§ 雪梨湯 + 香炒牛柳粒 §

今晚一個好簡單既一個晚餐呀.
食譜: 雪梨湯
材料: 雪梨 4個 ; 蜜餞 4粒; 南北行 適量; 豬展 $15
做法:
1. 雪梨去心, 切件; 洗好代用
2. 將所有材料放入已煲滾的水中, 煲2.5小時 .. 完成
*********************
食譜: 香炒牛柳粒
材料: 牛柳粒; 洋蔥; 青椒; 西蘭花; 蕃茄; 乾蔥頭 (所有材料切粒粒, 西蘭花細件已可以)
做法:
1. 以生抽; 老抽; 豪油; 糖; 麻油; 生粉及水醃好牛柳
2. 先略炒西蘭花盛起代用;
3. 再爆香洋蔥, 朝蔥頭, 青椒及蕃茄 ；　盛起代用
4. 爆香牛柳粒，　再下埋（２&3)既材料；加少許豪油略炒．完成
*如喜歡食黑椒及芝麻的朋友．可自行加上特別好味架!

§ Chocolate Spong Pudding Cake §

Recipe:
材料: *無鹽牛油 125g; *黃糖 120g; *自發粉 x 125g; *鹽少量; *可可粉 x 25g; 朱古力200g 切碎
做法:
1. 先以180度預熱焗爐.
2. 牛油在室溫代軟; 加入黃糖攪拌至忌廉狀;
3. 將蛋液逐少加入混合物內拌勻;
4. 將鹽, 可可粉及自發粉篩入;
5. 加入朱古力碎輕輕拌勻; (我只是加入了入爐朱古力粒粒)
6. 將麵糊平均倒入紙杯仔或焗模中;
7. 以180度焗25分鐘; *完成時用竹籤插進蛋糕內, 拔出來的竹籤沒有黏著粉漿便可*

※ Peach Cheesecake ※

My First ... Peach CheeseCake
Recpie: Peach Cheesecake 7"
份量材料:
清蛋糕2片 (6吋)
Cream Cheese 250g
甜忌廉 200ml
魚膠粉 7g
開魚膠粉開水 35g
Sugar 45g
櫻桃酒 適量
SW 牌蜜桃(細) 1tin
*蜜桃汁 110g
*蜜桃片切粒

做法 Method: 1. 先將Cream Cheese在室溫放軟 (代用)
2. 甜忌廉倒進已冷藏的器皿入, 用機舛至挺身, 冷藏備用
3. 開水倒入魚膠粉內, 攪勻; 再放入熱水中座溶
4. 用打蛋機打發已放軟的芝士, 慢慢分次加入砂糖, 打至滑身; 再拌入蜜桃汁拌勻
5. 將少許芝士糊放入魚膠水中拌勻, 再倒入芝士內
6. 將已打好的忌廉倒入芝士糊內; 以打蛋機最慢速度打至完全混合及滑身;
7. 將蛋糕片一開二; 先將一片塗上櫻桃酒再倒入半份芝士糊及拌入蜜桃粒; 之後再放二片蛋糕同樣塗上櫻桃酒及再倒入餘下芝士糊及蜜桃粒;
**此時最好留返少少芝士糊 代最後一層既蜜桃粒與芝士糊拌勻後再倒入; 個蛋糕面就會平滑架啦
8. 完成以上後放入雪櫃雪好. 起模做裝飾就食得架啦

蕃茄蛋白蝦仁配西蘭花 & 牛肉炒通菜

牛肉炒通菜係阿蘇教架. 另一味就係媽咪教既. 第一次炒蛋白炒得唔係太好呀.真係仍需努力先得啦.! 不過味道都真係唔錯架. 大伯老爺, 奶奶同老公都話好味呀. 而我自己. 都覺得還好呀.
食譜: 通菜炒牛肉
材料: 通菜一斤 ; 牛肉10元 (切條狀)
先用醃料醃好牛肉: 生抽、老抽、蠔油、麻油、生粉、水
做法:
1. 先爆香牛肉, 煮時加少許蠔油
2. 爆香蒜頭粒, 下菜炒熟
3. 放下牛肉, 加入少許蠔油快炒, 下生粉茨; 即成
=================
蕃茄蛋白蝦仁配西蘭花
材料: 蕃茄 2個、 蛋白4個 蝦仁半斤、西蘭花2個、鮮奶適量
做法:
1. 西蘭花烚熟 (在熱水中加上油及鹽), 放在碟上圍邊
2.先爆香已醃好舷蝦仁(醃料為: 生抽、麻油、 生粉、胡椒粉)
3.蕃茄去皮切件放入鑊中加少許水、茄汁及糖煮成蕃茄汁(要有蕃茄先好味. 唔好全部變曬水) 上碟備用
4.蛋白加鮮蛋; 油滾起時快手將蛋白鮮奶加入. 熄火; 將已炒好既蝦仁放入略兜;
5.將已炒好的(4)放入 (3) 中, 完成

Happy Gathering

一班好耐無見既同學仔... 聚一聚 真係開心到我不得了. 咁既日子.. 我又點忍得手唔整返幾味呢.
呢一日我整左手撕雞, 咖哩仲有沙律, 醉雞and 一個生日蛋糕Tiramisu! 因為其中有2位會係呢個9月生日呀.! 係度祝埋佢地生日快樂啦! 真係好期望下一個Gathering 快快到呀.!

§ 老公 Happy Birthday §

22Aug 大家都要同我一齊記住呢個日子呀. 因為係我Honey 老公仔既生日. 我一收工好趕咁返屋企就做左呢個蛋糕比佢啦.
呢個木糠布甸真係無得頂. 好好味呀.!!